Bugun, “Dehqonobod kaliy zavodi” AJning boshqaruv raisi rahbarligida boshqaruv raisi o‘rinbosarlari, bosh mutaxassislar, sex hamda tarkibiy bo‘linma rahbarlari ishtirokida hisobot yig‘ilishi bo‘lib o‘tdi.

Yig‘ilishda 2024-yilning 1-chorak yakunlari sarhisob qilinib, 2024-yil 3-aprel sanasida “O‘zkimyosanoat” AJ boshqaruvining kengaytirilgan yig‘ilishida belgilangan dolzarb vazifalar yuzasidan ko‘rsatmalar berildi.

Tegishli mas’ullarga joriy yil birinchi yarim yillikda asosiy prognoz koʻrsatkichga soʻzsiz erishishni ta’minlash boʻyicha barcha chora-tadbirlarni oʻz vaqtida amalga oshirish zarurligi ta’kidlandi.

Undan tashqari, O‘zbekiston Respublikasi Prezidentining 2024-yil 13-martdagi “Respublika va mahalliy ijro etuvchi hokimiyat organlari hamda xo‘jalik birlashmalari faoliyati samaradorligini baholash tizimini takomillashtirish chora-tadbirlari to‘g‘risida”gi PF-49-son Farmonining jamiyatdagi amaliy ijrosini taʼminlash masalasi muhokama qilindi.

Yigʻilish yakunida jamiyat hamda unga tutash bo‘lgan hududlarda “Yashil makon” va “Yashil belbog‘” loyihalari doirasida bahorgi ekish mavsumida olib borilayotgan ishlarni jadallashtirish yuzasidan mas’ullarga bir qator chora tadbirlar belgilab berildi.