Joriy yilning 7-fevral sanasida “Dehqonobod kaliy zavodi” AJda Alisher Navoiy tavalludining 584 yilligi hamda Zahiriddin Muhammad Bobur tavalludining 542 yilligi munosabati bilan “Ikki buyuk siymo ijodi avlodlar uchun bebaho ma’naviy merosdir” nomli ma’naviy-ma’rifiy hamda madaniy tadbir bo‘lib o‘tdi.
Tadbir avvalida Qarshi davlat universiteti o‘qituvchisi Marhabo Ismoilova “Ikki buyuk siymo” mavzusida ma’ruza qilib, buyuk mutafakkirlarimizning hayoti va ijodiga alohida to‘xtalib o‘tdi.
Mehmon sifatida tashrif buyurgan O‘zbek milliy maqom san’ati markazi Qashqadaryo viloyati hududiy bo‘limi ansambl jamoasi o‘zining jonli ijrodagi dasturi bilan chiqish qildi.
So‘z mulkining sultoni Alisher Navoiy hamda shoh va shoir Zahiriddin Muhammad Boburning boy ma’naviy merosiga bag‘ishlangan, milliylikni o‘zida mujassam etgan tadbir adabiyotning muxlislari bo‘lgan kimyogarlarda o‘zgacha taassurot qoldirdi.
