Jamiyat hayotida faol va har jihatdan ibratli xotin-qizlarni qo‘llab-quvvatlash maqsadida bugun Dehqonobod tuman hokimligi hamda “Dehqonobod kaliy zavodi” AJ hamkorligida “Yil ayoli” milliy ko‘rik-tanlovining tuman bosqichi bo‘lib o‘tdi.

Unda tumanning bir qator tashkilotlaridan ijtimoiy faol bo‘lgan xotin-qizlar ishtirok etishdi. Tanlov 3 ta shart asosida bo‘lib o‘tdi.

Tajribali hakamlarning yakuniy xulosasiga ko‘ra:

1 – o‘ringa “Dehqonobod kaliy zavodi” AJ kadrlar bo‘limi boshlig‘i Nargiza Usmanova;
2 – o‘ringa Dehqonobod tumani 97-sonli umumiy o‘rta ta’lim maktabining Ona tili va adabiyot o‘qituvchisi Gulhayo Qosimova;
3 – o‘ringa Dehqonobod tumani Qizilcha mahallasi xotin-qizlar faoli Ulug‘oy Shoymurodova munosib deya topildi.

G‘oliblar diplom hamda esdalik sovg‘alari bilan taqdirlandi. 1–o‘rin sovrindori Nargiza Usmanova esa viloyat bosqichida ishtirok etish imkoniyatini qo‘lga kiritdi.