"Dehqonobod kaliy zavodi" AJning o‘quv markazi tomonidan xodimlarni tayyorlash, qayta tayyorlash va malakasini oshirish bo‘yicha talablarni qondirish, malakali xodimlar yetishmovchiligini bartaraf etish maqsadida 2024-yil hisobidan bir qator yo‘nalishlar bo‘yicha ishchi-xodimlarni malakasini oshirish rejasi belgilab olingan.

Unga ko‘ra , “Ta’mirlovchi chilangar” o‘quv kursi bo‘yicha sex va bo‘limlarda faoliyat olib borayotgan bir guruh ishchi-xodimlar 10 kun davomida o‘z bilim va malakalarini oshiradilar.

O‘quv mashg‘ulotlari so‘ngida bitiruvchilarning yakuniy bilimlarini baholash uchun malaka komissiyasi tomonidan 2 bosqichda nazariy imtihon o‘tkaziladi. Bu esa, ta’lim olishning yuqori sifat darajasini kafolatlaydi.

Undan tashqari imtihon natijalariga ko‘ra tinglovchilarga mutaxassisligi bo‘yicha malaka oshirganligi to‘g‘risida tegishli tartibda guvohnomalar beriladi.