“Oʻzkimyosanoat” AJ hamda Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi vakillari ishtirokida matbuot xizmatlari faoliyati samaradorligini oshirishga qaratilgan onlayn seminar-trening o‘tkazildi.

Unda barcha tarmoq korxonalari matbuot kotiblari ishtirok etdi.

Seminarda AOKA bosh mutaxassisi Muhammad Qarshiboyev va “Oʻzkimyosanoat” AJ boshqaruvi raisining axborot masalalari boʻyicha maslahatchisi – matbuot kotibi Rustambek Eshbekov tomonidan matbuot xizmati faoliyatini yanada takomillashtirish, OAV vakillari bilan ishlash, inqirozli vaziyatlardagi faoliyat mavzularida taqdimotlar va maʼlumotlar berildi.

Shu bilan birga, ijtimoiy tarmoqlardagi rasmiy sahifalarni samarali yuritish va vizual kontent yaratish, tarmoq korxonalarining ijobiy imijini shakllantirish, OAV va jamoatchiliklar uchun tadbirlar tashkil etish masalalariga ham alohida e'tibor qaratildi. Matbuot xizmati xodimlari faoliyatining axloqiy jihatlari bo'yicha ham fikrlar bildirildi.