“Dehqonobod kaliy zavodi” AJda boshqaruv raisi, boshqaruv raisining sohaviy o‘rinbosarlari, bosh mutaxassislar, sex va bo‘lim rahbarlari ishtirokida navbatdagi yig‘ilish bo‘lib o‘tdi.

Unda 2023-yil IV-chorak yakunida sex va bo‘limlarda mehnat muhofazasi holatini nazorat qilish bo‘yicha o‘tkazilgan III-pog‘onali nazoratda aniqlangan kamchiliklarni bartaraf qilish bo‘yicha ishlab chiqilgan chora-tadbirlar ijrosi, mehnat muhofazasi, xavfsizlik texnikasi, sanoat xavfsizligi, yong‘in xavfsizligi, atrof muhitni muhofaza qilish va ekologiya sohasida mavjud kamchiliklarni bartaraf qilish hamda jamiyatimiz ishchi-xodimlariga qulay va xavfsiz mehnat sharoitlarini yaratish masalalari tanqidiy ruxda ko‘rib chiqildi.

Yig‘ilish davomida tegishli sex va bo‘lim rahbarlariga yo‘l qo‘yilgan kamchiliklarning qayta takrorlanmasligi, avariya, baxtsiz va noxush hodisalarning oldini olish borasida aniq vazifalar yuklatildi.

Atrof muhitni muhofaza qilish va ekologiya sohasida mavjud kamchiliklarni tez fursatlarda bartaraf qilish bo‘yicha tegishli tavsiya va ko‘rsatmalar berildi.