O‘zbekiston Respublikasi Prezidentining 2023-yil 24-25-oktabr kunlari Qashqadaryo viloyatiga tashrifi davomida berilgan topshiriqlari bo‘yicha 35-sonli bayoni 16-bandi ijrosini taʼminlash maqsadida “Dehqonobod kaliy zavodi” AJ tomonidan korxonaga yaqin hududlarda istiqomat qiluvchi yoshlarni 2024-2026-yillarda qayta kasbga tayyorlash hamda bandligini taʼminlash rejalashtirilgan.

Shu munosabat bilan joriy yilning 19-aprel kuni jamiyat mas’ullari va tumanning Beshbuloq, Yangiobod, Chuchukquduq, Tog‘aytemir, Oqirtma, Qo‘rg‘ontosh, Xo‘jamahmud va Otqamar MFYlari masʼul xodimlari ishtirokida uchrashuv o‘tkazilib, zaruriy chora-tadbirlar belgilab olindi.

Mahalla fuqarolar yig‘ini mas’ullari bilan hamkorlikda ish topishda qiynalayotgan yoshlarni kasbga yo‘naltirish, kasanachilik asosida yangi ish o‘rinlari yaratish bo‘yicha dastur ijrosini bosqichma-bosqich taʼminlab borish rejalashtirilib olindi.