Joriy yilning 1-may sanasida “Dehqonobod kaliy zavodi” AJning boshqaruv raisi rahbarligida birlashtirilgan boshqaruv tizimi (ISO 9001:2015 “Sifat menejment tizimi”, ISO 14001:2019 “Ekologik menejment tizimi”, ISO 50001:2019 “Energetik menejment tizimi” xalqaro standartlari) faoliyati yuzasidan 2024-yil I-choraklik hisobot yig‘ilishi bo‘lib o‘tdi.

Unda birlashtirilgan boshqaruv tizimini takomillashtirish, sifat, ekologiya, energiyani tejash, korrupsiyaga qarshi kurashish, sog‘liqni saqlash va xavfsiz mehnatni ta’minlash sohasidagi qonunchilik talablarining bajarilishi ko‘rib chiqildi.

Shuningdek, jamiyatda ISO 45001:2018 “Sog‘liqni saqlash va mehnat muhofazasi menejment tizimi” hamda ISO 37001:2016 “Korrupsiyaga qarshi kurashish menejment tizimi”ni joriy qilishda sertifikatlashtirish jarayonini joriy yil yakuniga qadar jadallashtirish bo‘yicha tegishli mas’ullarga ko‘rsatma va topshiriqlar berildi.