«Qizlar bilim olishga hammadan ko‘proq intilishlari lozim, zero, bu bilimlar bilan ular kelajak avlodni tarbiyalaydilar»
Abdulla Avloniy

Birlashgan Millatlar Tashkiloti Bosh Assambleyasining 2015-yil 22-dekabrdagi 70-sessiyasida 11-fevral – “Ilm-fan sohasidagi ayollar va qizlar xalqaro kuni” sifatida rasman eʼlon qilinib, 2016-yildan boshlab mazkur sana dunyoning ko‘plab davlatlarida keng nishonlanib kelinmoqda.

Shu munosabat bilan bugun, "Dehqonobod kaliy zavodi" AJning sex va bo‘limlardagi faol xotin-qizlari ishtirokida 11-fevral – “Ilm-fan sohasidagi ayollar va qizlar xalqaro kuni” ga bag‘ishlangan hamda jamiyat xotin-qizlarining ijtimoiy - siyosiy faolligini oshirishga qaratilgan davra suhbati o‘tkazildi.

Unda jamiyatdagi xotin-qizlarning innovatsion g‘oyalari,ixtirochilik va ratsionalizatorlik faoliyatini yanada qo‘llab-quvvatlash, ilmiy salohiyatini oshirish va Respublika miqyosidagi tanlovlarda ishtirokini ko‘paytirish borasida so‘z yuritildi.

Samimiy ruhda o‘tkazilgan davra suhbati so‘ngida ishtirokchilar o‘zlarining fikr va mulohazalarini bildirdilar.