“Dehqonobod kaliy zavodi” AJ xodimlari va ularning oila a’zolari ishtirokida “Biz sog‘lom yosh oilamiz” shiori ostida oilaviy sport musobaqasining korxona bosqichi o‘tkazildi.

Kimyogarlar va ularning oila a’zolari o‘rtasida sog‘lom turmush tarzini targ‘ib qilish, oila a’zolarining jismoniy tarbiya hamda sport bilan shug‘ullanishlarini kundalik turmush tarziga aylantirish maqsadida tashkil etilgan oilaviy sport musobaqasi qizg‘in bellashuvlarga sabab bo‘ldi.

Hay’at a’zolarining yakuniy baholash natijalariga ko‘ra:

1 – o‘rin Mehnat muhofazasi va sanoat xavfsizligi bo‘limi xodimi Ravshan Tashmatovlar oilasiga;
2 – o‘rin Ta’mirlash mexanika sexi vakili Olim Yoqubovlar oilasiga;
3 – o‘rin Qo‘riqlash xizmati xodimi Azamat Nomozovlar oilasiga berildi.

Sovrindorlar tashkilotchilar tomonidan esdalik sovg‘alari bilan taqdirlanadi. G‘olib bo‘lgan Tashmatovlar oilasi esa keyingi bosqichda ishtirok etish imkoniyatiga ega bo‘lishdi.